የሰሜን ሸዋ ዞን ግብርና መምሪያ
የሰ/ሸዋ ዞን የቆዳ ስፋቱ 17,347.19 ስኬየር ኪ/ሜትር ሲሆን ከፍተኛ የሰብል፣ የእንስሳትና የደን ሀብት ክምሽት /potential/ አለው:: በተለይም በሰብል ልማት በብዕር፣ በጥራጥሬና ቅባት እህል በስፋት የሚመረት ሲሆን በ CSA መረጃ መሠረት በ 2ዐዐ5/2006 ምርት ዘመን 10,872,100 ኩ/ል ፣ በ 2ዐዐ6/2007 11,514,177፣ በ2007/2008 11,376,271 በ2008/2009 11,920,000 ተመርቷል፣ በተለይም ለኢንዱስትሪ ልማት የሚሆን በተለይም የቢራ ገብስ በማምረት ለቢራ ፋብሪካዎች በማቅረብ የተሻለ ሥራ ተሰርቷልየዞኑን ሙሉ አቅሙን ለመጠቀም ሰፊ ርብርብ እየተደረገ ነው፡፡በመስኖ እርሻ ልማትን ለማስፋፋት የከርሰምድርንና ከከርሰምድር በላይ ያለውን የውኃ ሀብት በአግባቡ ለመጠቀም ሰፊ ስራዎች ተሰርተዋል፡፤ትላልቅ ግድቦችን በማስፋፋት ወንዞችን በመገደብና የጎርፍ ውኃን በማሰባሰብ ከዝናብ ጥገኝነት ለመላቀቅ ከፈተኛ ርብርብ በማድረግ የአትክልትና ፍራፍሬን ልማት እንዲስፋፋ ጥረት ተደረጓል፡፡በእንስሳት ዘርፍም በዳልጋ ከብት፣ በበግና ፍየል ዞኑ ትልቅ አቅም ያለው ሲሆን በተለይም ዞኑ እውቅና ያገኘበት የመንዝ በግ ዝርያ በስፋት በማርባትና በማድለብ ለዞኑ ኢኮኖሚ ትልቅ አስተዋፅኦ እየሰጠ ይገኛል ፡፡ እንዲሁም በወተትና በሌሎች የእንስሳት ተዋጽኦ ሰፊ ድርሻ ያለው ሲሆን በማድለብ ረገድ የጅሩ ሰንጋ ዞኑ እውቅና ካገኝበት ተግባር አንዱ ነው፡፡ በደን ልማት ዞኑ ሰፊ ርብርብ ያደረገበት ሲሆን 6,604 ሄ/ር ስፋት ያለው የወፍ ዋሻ ደን፣የመንዝ ጓሳና በውስጡ የያዛቸው የቀይ ቀበሮና ጭላዳ ዝንጀሮ የዱር እንስሳት ባለቤት ነው፡፡ በተለይም በተለያዩ ጊዜ በተካሄዱ የተቀናጀ የደን ልማት ሥራና የማገዶ ተክል ኘሮጀክት በተሰሩ የተለያዩ የደን ማስፋት ሥራዎች ለዞኑ ትልቅ የደን ኢኮኖሚ ገቢ እንዲያበረክቱና ከደን ውጤቶች ጋር በተያያዘ የተለያዩ ፋብሪካዎች እንዲከፈቱ ለዞኑ እድል ሰጥቷል፡፡
